അതിരാണി: ഇതിന്റെ വിത്ത് തിന്നാൽ നാവു കറുപ്പാകും

അതിരാണി, കലദി, മഷിക്കായി ചെടി, തൊടുകാര, തോട്ടുകാര, ഖരപത്രി, ജാലസ്സാനിഎന്നീ അനേക പേരുകളിൽ അറിയപെടുന്നു. ഇതിനെ നെടുമങ്ങാട് എന്ന സ്ഥലത്ത് കലദി എന്നും മധ്യ തിരുവിതാങ്കൂരിൽ കലംപൊട്ടി എന്നും വിളി പേരുണ്ട്. ഇതിന്റെ വിത്ത് തിന്നാൽ നാവു കറുപ്പാകും.

2011 ലിൽ മലേഷ്യൻ യൂണിവേഴ്‌സിറ്റി യിൽ നടന്ന റെസീർച്ചിൽ

ആന്റി ബാക്റ്റീരിയൽ
ആന്റി വൈറൽ
ആന്റി പരസിറ്റിക്ക്
ആന്റി ഒസിഡന്റ്റ്
ആന്റി ഡയറിയാൽ
വൂൻഡ് ഹെലിങ്
ആന്റി അൾസർ
ആന്റി വെനം
ആന്റി ഇൻഫലംമാറ്ററി
ആന്റി പൈറേറ്റിക്ക്

എന്നീ ഗുണകൾ തെളിയിക്കപ്പെട്ടിട്ടുണ്ട്.

കേരളത്തിലെ കിഴക്കൻ സഹ്യനിരകളിൽസുലഭമായി കണ്ടു വരുന്ന ഒരിനം ചെടിയാണു് കലദി. മറ്റു വെളിമ്പറമ്പുകളിലും സാധാരണ കാണപ്പെടുന്ന ചെടിയാണിത്. ഇതിന്റെ ഔഷധഗുണങ്ങളെക്കുറിച്ച് പഠനങ്ങൾ നടക്കുന്നുണ്ട്, നെടുമങ്ങാട് മുതലായ സ്ഥലങ്ങളിൽ ഇതിനെ കദളി എന്നും വിളിക്കുന്നു. മലബാറിൽ ഈ ചെടി അറിയപ്പെടുന്നത്അതിരാണി എന്ന പേരിലാണ്. മധ്യതിരുവിതാംകൂറ് ഭാഗത്ത് കലംപൊട്ടിഎന്നാണു് ഈ ചെടി അറിയപ്പെടുന്നത്. കലത്തിന്റെ ആകൃതിയിലുള്ള കായ്കൾ പഴുത്തു മൂക്കുമ്പോൾ പൊട്ടിപ്പിളർക്കുന്നതിനാലാണു് ഈ പേർ വന്നിരിക്കുന്നത്. തോട്ടുകാര, തൊടുകാരഎന്നീ പേരുകളിലും അറിയുന്നു.

ഇതിന്റെ വിത്തുകൾ കഴിക്കുകയാണെങ്കിൽ നാവിനു കറുത്ത നിറം വരും എന്നതിൽ നിന്നാണു് കലദിയുടെ ശാസ്ത്രീയ നാമമായ Melastoma malabathricum ഉദ്ഭവിച്ചതു്. melastoma എന്ന ഗ്രീക്ക് വാക്കിന്റെ അർത്ഥം ഇരുണ്ട വായ എന്നാണു്. കുട്ടികൾ ഏറെ ഇഷ്ടപ്പെടുന്ന ഒരു കാട്ടുപഴമാണിത്.

ഇംഗ്ലീഷില് Malabar melastome, Indian Rhododendron എന്നൊക്കെയാണ് പേര്. സംസ്കൃതത്തിൽ ഖരപത്രി, ജലശാണി എന്നീ പേരുകളിൽ അറിയപ്പെടുന്നു.

രൂപവിവരണം

രണ്ടുമീറ്റർ വരെ ഉയരത്തിൽ വളരുന്നു. എല്ലാ കാലത്തും പുഷ്പിക്കും. അറ്റം കൂര്ത്ത ദീര്ഘ വൃത്താകൃതിയിലുള്ള ഇലകളാണ്. അവ സമ്മുഖമായി വിന്യസിച്ചിരിക്കുന്നു. തണ്ടുകൾ രോമിലമാണ്. അഞ്ച് ഇതളുള്ള വയലറ്റ് പൂവുകളാണു് കലദിയ്ക്കുള്ളത്. പൂവിനു താഴെയായുള്ള കലദിപ്പഴത്തിലാണു് ഈ ചെടിയുടെ വിത്തുകൾ.

ഔഷധയോഗ്യ ഭാഗം

ഇല. സ്വരസം

മറ്റു വിവരങ്ങൾ

കോകത്തിലെ ഏറ്റവും വലിയ നിശാശലഭമായനാഗശലഭത്തിന്റെ ലാർവയുടെ ഭക്ഷണമാണ് ഇവയുടെ ഇല. പേഴാളന് ചിത്രശലഭം മുട്ടയിടുന്നതും ഇവയിലാണ്. ഈ സസ്യത്തോട് സാമ്യമുള്ള osbeckia കുടുംബത്തിലെ പെട്ടചിറ്റതിരാണി( osbeckia aspera), കുഞ്ഞതിരാണി(osbeckia muralis)എന്നിവയും കേരളത്തില് കാണുന്നുണ്ട്.

ഔഷധ ഭാഗം: ഇലയും സ്വാരസവും ആണ് പ്രധാന ഔഷയോഗ്യ ഭാഗം.

കലംപൊട്ടി, കലദി, അതിരാണി, കദളി – ഇങ്ങനെ പല പേരുകളിൽ അറിയപ്പെടുന്ന ഔഷധച്ചെടിയുടെ പൂവ് പറിച്ച് പഞ്ചസാരയോ തെങ്ങിൻ ചക്കരയോ ചേർത്ത് സിറപ്പ് ഉണ്ടാക്കി കഴിച്ചാൽ എത്ര മാരകമായ പൈൽസും, വേരിക്കൊസും സുഖപ്പെടും.

ആവശ്യത്തിന് കലംപൊട്ടിയുടെ പൂവ് പറിച്ചെടുത്ത് അനുയോജ്യമായ അളവിൽ വെള്ളം എടുത്ത് രണ്ടും ചേർത്ത് ചൂടാക്കി കുറുക്കി പിഴിഞ്ഞ് അരിച്ചെടുത്ത് വേണ്ടത്ര പഞ്ചസാര ചേർത്ത് വറ്റിച്ച്, ആ സിറപ്പ് ദിവസവും രണ്ടു നേരം ഓരോ ടീസ്പൂൺ കഴിച്ചാൽ എത്ര കൂടിയ പൈൽസും ദിവസങ്ങൾക്കുള്ളിൽ മാറിക്കിട്ടും. പ്രമേഹം ഉള്ളവർ പഞ്ചസാരയ്ക്ക് പകരം തെങ്ങിൻ ചക്കര ഉപയോഗിക്കുക

ഇല ചതച്ചു മുറിവിൽ ഇട്ടാൽ രക്തധാര നിലക്കും. ഒരു മികച്ച ആന്റി സെപ്റ്റിക് കൂടിയാണ്. മുറിവ് ഉണക്കുക കൂടി ചെയ്യും.

Smallpox മൂലം ഉണ്ടാകുന്ന പാടുകൾ ഇല്ലാതെയാക്കാനും ഇല ചതച്ചു ഇടാം.

ഇളം ഇലകൾ ഭക്ഷിക്കുന്നത് അതിസാരം, പൈൽസ് എന്നിവയിൽ നല്ലതാണ്

പൂവ്,വിത്ത്, ഇല എന്നിവ ചതച്ചു ഭക്ഷിച്ചാൽ വെള്ളപോക്കു ന് നല്ലതാണ്

ഇലയും വേരും, അല്ലെങ്കിൽ വേര് കഷയം വെച്ചു പ്രസവാന്തരം ഗർഭിണികൾക്ക് നൽകിയാൽ ഗർഭാശയ പേശികൾക്ക് ബലം നൽകും.

ഇലയും പൂവും ചതച്ചു സ്വരസം ത്വക് രോഗങ്ങൾക്ക് നല്ലതാണ്.

ചെടി സമൂലം അരച്ചു ഭക്ഷിക്കുന്നത് ആർത്തവ പ്രശനങ്ങൾക്കും, ആർത്തവ കാലത്തെ വേദനക്കും...,ആർത്തവം നിലച്ചു കഴിഞ്ഞുള്ള രോഗങ്ങൾക്കും. വെള്ളപൊക്കിനും, വാജികരണത്തിനും നല്ലതാണ്.

Follow us on:

ഉപയോഗപ്രദമായ മറ്റുചില പേജുകൾ

ചണം - Flax

ഒരു പ്രകൃതിദത്തനാരാണ്‌ ചണം. ചണ നാരിനേയും അതുണ്ടാകുന്ന സസ്യത്തേയും ചണം എന്നു വിളിക്കുന്നു. ചണസസ്സ്യത്തിൽ നിന്നും ലഭിക്കുന്ന ഫലമാണ് ചണവിത്ത് അതിൽ   ഗുണമേറിയതാണ്
ചെറു ചണവിത്ത് FLAX SEED.
സംസ്‌കൃതം :അതസി, ക്ഷുമ, പിഞ്ചല, നീംപുഷ്പി.
ഹിന്ദി :അൽസി.കന്നഡ :അഗ്‌സി, ഹുചെല്ലു, ഉചെല്ലു. തമിഴ് :അലിവിതൈ,അലിവിരൈ.തെലുഗു :അവിസെലു,ഗിന് ജാലു. മദജിന്ജാലു.  ബംഗാളി :മർശിന, അത്സി.
ചെറു ചണവിത്ത് ഭക്ഷ്യ യോഗ്യവും ആരോഗ്യ പ്രദവും ഔഷധ ഗുണങ്ങളുള്ള  വയുമാണ് ഇന്ത്യയിൽ കൂടുതൽ കൃഷി ചെയ്യുന്നതും ചെറു ചണയാണ്, കോർക്കോറസ് എന്നാണ് ജീനസ് നാമം. 2000 വർഷങ്ങളായി തുണിയും  നൂലും നിർമ്മിക്കാനായി, ചണം ഇന്ത്യയിൽ ഉപയോഗിച്ചിരുന്നു. പതിനാറാം നൂറ്റാണ്ടിന്റെ മദ്ധ്യത്തിൽ ഈസ്റ്റ് ഇന്ത്യ കമ്പനിക്കാർ ഇതിനെ ഇംഗ്ലണ്ടിലെത്തിച്ചു.

ഇന്ത്യൻ പുല്ല് എന്നാണ് അത് അന്ന് അറിയപ്പെട്ടിരുന്നത്. ഇന്ന്, സഞ്ചികൾ, ചരടുകൾ, ക്യാൻ‌വാസ്, ടാർപോളിൻ,ചാക്ക്‌,  പരവതാനികൾ തുടങ്ങിയവ നിർമ്മിക്കുന്നതിന് ചണം  ഉപയോഗിക്കുന്നു 20 നും 22.5 ഡിഗ്രി സെൽ‌ഷ്യസിനും ഇടയിലുള്ള താപനിലയും വർഷത്തിൽ 150 സെന്റ്റീമീറ്റർ മഴയും ചണകൃഷിക്കാവശ്യമാണ്.അമ്ലക്ഷാരസൂചിക 5pH ഉള്ള മണ്ണിൽ ചണം നന്നായി വളരും 2005-ലെ കണക്ക് പ്രകാരം ഇന്ത്യയാണ്‌ ചണത്തിന്റെ ലോകത്തെ ഏറ്റവും വലിയ ഉല്പാദകർ.  ചണവിത്ത് അഥവാ FLAX SEED ആരോഗ്യ സൗന്ദര്യ സംരക്ഷിക്കുന്നതിനും   ഉപയോഗിച്ചു വരുന്നു. ചണവിത്തിൽ നിന്നും എണ്ണയുംഉത്പാദിപ്പിക്കുന്നുണ്ട് FLAX SEED OIL.വസ്ത്രനിർമാണത്തിനാണ് ഈ സസ്യം ആദ്യം ഉപയോഗിച്ചിരുന്നത്. വൈകാതെ ചണവിത്തിന്റെ ഗുണങ്ങൾ ഒന്നൊന്നായി തിരിച്ചറിയുകയായിരുന്നു.

എന്നാൽ ആയുർവേദത്തിലും യുനാനിയിലും ഇവ ഉപയോഗിച്ചു കാണുന്നുണ്ട്. വിത്തിൽ അടങ്ങിയിരിക്കുന്ന ലിഗ്‌നുകളും ഒമേഗ 3 ഫാറ്റി ആസിഡുകളുമാണ് ശാസ്ത്രീയമായി ഇതിൽ കണ്ടെത്തിയിരിക്കുന്ന ഘടകങ്ങൾ.സ്തനാർബുദത്തെയും പ്രോസ്റ്റേറ്റ് അർബുദത്തെയും പ്രതിരോധിക്കുകയും ഹൃദയാരോഗ്യം മെച്ചപ്പെടുത്തുകയുമാണ് ഇവയുടെ ഗുണങ്ങൾ.

ചണവിത്ത് കഴിക്കുമ്പോൾ വെള്ളം ധാരാളം കുടിക്കണം. പ്രമേഹ രോഗികൾക്കും നല്ലതാണ്. മുടി, ത്വക്ക്, കണ്ണ്, മൂത്രാശയരോഗങ്ങൾക്കും ലൈംഗികശേഷി വർധിപ്പിക്കുന്നതിനും ചണവിത്തിന്റെ ഉപഭോഗം നല്ലതാണ്. ചണവിത്ത് കഴിക്കേണ്ട രീതി സംബന്ധിച്ച് ഭിന്നാഭിപ്രായങ്ങളുണ്ട്. ചവച്ചരച്ച് കഴിക്കുന്നതും പൊടിച്ചു ഭക്ഷിക്കുന്നതും നല്ലതാണെന്ന് വാദങ്ങളുണ്ട് പൊടിച്ച ശേഷം വെള്ളത്തിൽ കലക്കി കുടിക്കാം പലഹാരങ്ങളിലും ചേർത്തു ഭക്ഷിക്കാം ഉത്തരേന്ത്യയിൽ ചണവിത്ത് വറുത്തും  പൊടിച്ചു റൊട്ടിയിലും, ബേക്കറി ഉത്പന്നങ്ങളിലും ചേർത്ത്ഉപയോഗിക്കുന്നുണ്ട്. 3000 ബി.സി കാലഘട്ടത്തില്‍ ബാബിലോണില്‍ ചണം കൃഷിചെയ്തിരുന്നു. എട്ടാം നൂറ്റാണ്ടില്‍ ബാബിലോണ്‍ രാജാവായിരുന്നചാര്‍ലിമെയ്ന്‍ ചണവിത്തിന്‍റെ ആരോഗ്യ ഗുണങ്ങള്‍ മനസിലാക്കുകയും ഇത് ഉപയോഗിക്കാന്‍ നിര്‍ദ്ദേശിക്കുകയും ചെയ്തിരുന്നു. ഇപ്പോള്‍ പതിമൂന്ന് നൂറ്റാണ്ടുകള്‍ക്ക് ശേഷം ആരോഗ്യരംഗത്തെ വിദഗ്ദ്ധര്‍ ചാര്‍ലിമെയ്നിന്‍റെ കണ്ടെത്തൽ  ശരിവെക്കുകയായിരുന്നു.

Follow us on:

   

ഉപയോഗപ്രദമായ മറ്റുചില പേജുകൾ

'ലോകാവസാന നിലവറ' (doomsday bank) ആദ്യമായി തുറക്കുന്നു

വൻ പ്രകൃതി ദുരന്തങ്ങളെ നേരിടാനായി നിർമിച്ച 'ലോകാവസാന നിലവറ' (doomsday bank) ആദ്യമായി തുറക്കുന്നു. നിർമിച്ചതിനു ശേഷം ഇതുവരെ ലോകാവസാന നിലവറ തുറന്നിട്ടില്ല. ഏവരെയും അത്ഭുതപ്പെടുത്തുന്ന ഈ നിലവറ നിറയെ വിത്തുകളാണ്. ലോകത്തെ ഭൂരിഭാഗം വിത്തുകളും ഇവിടെ സൂക്ഷിച്ചിട്ടുണ്ട്. ഈ നിലവറയാണ് ഇപ്പോൾ തുറക്കാൻ പോകുന്നത്.

സിറിയയിലെ യുദ്ധത്തെ തുടർന്ന് മറ്റൊരു വിത്ത് നിലവറ കേന്ദ്രമായ ഐസിഎആർഡിഎ ( International Center for Agricultural Research in Dry Areas) അലെപ്പോയിൽ നിന്ന് ബെയ്റൂത്തിലേക്ക് മാറ്റിയിരുന്നു. ഇവരുടെ ആവശ്യപ്രകാരമാണ് ലോകത്തെ ഏറ്റവും വലിയ വിത്ത് നിലവറ ഇപ്പോൾ തുറക്കുന്നത്. യുദ്ധത്തെതുടർന്ന് സിറിയയിലെ അലെപ്പോയിൽ നിന്ന് 2012 ലാണ് ലെബനാനിലെ ബെയ്റൂത്തിലേക്ക് ഐസിഎആർഡിഎയുടെ വിത്ത്നിലവറ മാറ്റിയത്. ഇതിനിടെ വിലപ്പെട്ട പലവിത്തിനങ്ങളും നഷ്ടമായി. ഇതോടെയാണ് നഷ്ടപ്പെട്ട വിത്തുകൾക്കായി ലോകാവസാന വിത്ത് നിലവറയുടെ സഹായം തേടിയത്.

ഭീമൻ നിലവറയിലേക്ക് 325 വിത്തുകളുടെ പെട്ടികളാണ് ഐസിഎആർഡിഎ നൽകിയിരുന്നത്. ഇതിൽ നിന്ന് 130 പെട്ടി വിത്തുകളാണ് ഇപ്പോൾ ആവശ്യപ്പെട്ടിരിക്കുന്നത്. ലോകാവസാന വിത്ത് നിലവറയിൽ നിന്നുള്ള തീരുമാനം വന്നാൽ വൈകാതെ ഈ വിത്തുകളെല്ലാം ഐസിഎആർഡിഎയുടെ കേന്ദ്രത്തിൽ എത്തിക്കും. വിത്തിനായി ബുദ്ധിമുട്ടുന്ന അവസരത്തിൽ സഹായിക്കാനാണ് ലോകാവസാന വിത്ത് നിലറവ സ്ഥാപിച്ചതെന്നും ഇതിനാൽ ഇത്ര പെട്ടെന്ന് ഇത് തുറക്കുന്നതിൽ പ്രശ്നമില്ലെന്നുമാണ് നിലവറയുമായി ബന്ധപ്പെട്ടവർ അറിയിച്ചത്.

എന്താണ് 'ലോകാവസാന നിലവറ' (Doomsday vault)?

നമ്മൾ ഏറെ കേട്ടിട്ടില്ലാത്ത, പരിചയമില്ലാത്ത വാക്കാണ് 'ലോകാവസാന നിലവറ'. വർഷങ്ങൾക്ക് മുമ്പ് നോഹയുടെ പേടകം വലിയൊരു നിലവറയായി മാറിയത് ബൈബിളിൽ വായിച്ചിട്ടുണ്ട്. വലിയൊരു പ്രളയം മുന്നിൽകണ്ട് ലോകത്തെ ഒട്ടുമിക്ക ജീവികളുടെയും സസ്യങ്ങളുടെ വിത്തുകൾ, അല്ലെങ്കിൽ സാമ്പിളുകൾ പ്രത്യേകം തയാറാക്കിയ കപ്പലിൽ കയറ്റി. ഇതിനാൽ തന്നെ ലോകത്തെ മൊത്തം നശിപ്പിച്ച പ്രളയം വന്നിട്ടും എല്ലാം വീണ്ടെടുക്കാൻ നോഹയ്ക്ക് സാധിച്ചെന്നാണ് ചരിത്രം.

ഇതേ ലക്ഷ്യം തന്നെയാണ് 'ലോകാവസാന നിലവറ' നിർമ്മിച്ചവരുടെ മുന്നിലുള്ളതും. നോര്‍വെ വന്‍കരയില്‍നിന്ന്‌ ഏകദേശം 1000 കിലോമീറ്റര്‍ വടക്ക് ഒഴിഞ്ഞ സ്ഥലത്താണ് ഇത് സ്ഥിതിചെയ്യുന്നത്. ഇവിടെ (ആര്‍ക്ടിക്ക്) നാലു ദ്വീപുകള്‍ അടുത്തുകിടക്കുന്ന ഐസ് മൂടികിടക്കുന്ന സ്ഥലമുണ്ട്. സ്വാല്‍ബാര്‍ഡ്‌ എന്നാണ് സ്ഥലത്തിന്റെ പേര്. ഇവിടെ എത്തിപ്പെടുക വളരെ ബുദ്ധിമുട്ടാണ്. ഈ നാലു ദ്വീപുകളിൽ സ്‌പിറ്റ്‌സ്‌ബെര്‍ജന്‍ ദ്വീപിലെ കുന്നിനുള്ളിൽ ഏകദേശം 130 മീറ്റര്‍ അകത്തായാണ് 'ലോകാവസാന നിലവറ' സ്ഥിതിചെയ്യുന്നത്. ഭൂമിയിലെ വിത്തുകളെല്ലാം വർഷങ്ങളോളം കേടുവരാതെ സൂക്ഷിക്കുകയാണ് 'ലോകാവസാന നിലവറ'യുടെ മുഖ്യ ലക്ഷ്യം.

'സ്വാല്‍ബാര്‍ഡ്‌ ഗ്ലോബല്‍ സീഡ്‌ വാല്‍ട്ട്‌' (Svalbard Global Seed Vault) എന്നാണ് ഈ കേന്ദ്രത്തിനു നൽകിയിരിക്കുന്ന പേര്. പുറത്ത് ഈ ബോർഡും കാണാവുന്നതാണ്. ഭൂമിയിൽ എന്തുദുരന്തമുണ്ടായാലും നേരിടാൻ ശക്തിയുള്ളതാണ് ഈ വിത്തുനിലവറ. പ്രളയം, യുദ്ധം, ഭൂകമ്പം, ഛിന്നഗ്രഹ വീഴ്ച, സുനാമി, ആറ്റംബോംബ് എന്നീ ദുരന്തങ്ങളെയെല്ലാം പ്രതിരോധിക്കാൻ ഈ നിലവറയ്ക്ക് സാധിക്കുമെന്നാണ് അധികൃതർ അവകാശപ്പെടുന്നത്. വൻ ദുരന്തത്തിലൂടെ ഭൂമി തകർന്നാലും വരുന്ന തലമുറയ്ക്ക് വീണ്ടും കൃഷിതുടങ്ങാനുള്ള ലക്ഷ്യവുമായാണ് വിത്ത് നിലവറ നിർമിച്ചിരിക്കുന്നത്.

40 ലക്ഷത്തോളം വിത്തുസാമ്പിളുകള്‍ സുരക്ഷിതമായി സൂക്ഷിക്കാൻ കഴിയുന്ന നിലവറയിൽ ഇപ്പോൾ ഏകദേശം 8,60,000 വിത്തുകൾ ഉണ്ടെന്നാണ് റിപ്പോർട്ട്. ഇന്ത്യയടക്കമുള്ള രാജ്യങ്ങളിൽ നിന്ന് ശേഖരിച്ച വിത്തുകളാണ് ഇവിടെ സൂക്ഷിച്ചിരിക്കുന്നത്. ലോകാവസാന വിത്തു നിലവറയുടെ കാര്യങ്ങൾ നോക്കുന്നത് ഗ്ലോബല്‍ ക്രോപ്പ്‌ ഡൈവേഴ്‌സിറ്റി ട്രസ്റ്റാണ് (GCDT). വിവിധ രാജ്യങ്ങളിലായി 1400-ലേറെ വിത്ത് നിലവറകൾ നിലവിലുണ്ട്. ഇവരുടെയെല്ലാം സഹായത്തോടെയാണ് ഇത്രയും വിത്തുകൾ സ്വരൂപിച്ചത്.

seed-bank നോർവെയാണ് ഇത്തരമൊരു പദ്ധതിക്കായി സഹായം നൽകിയത്. ആര്‍ക്ടിക്കിൽ പല സമയങ്ങളിലും സൂര്യനും ചന്ദ്രനും ഉദിക്കാറില്ല. ഇവിടെ മൈനസ് 18 ഡിഗ്രിസെൽഷ്യസ് തണുപ്പാണ്. ഇതിനാൽ നിലവറയിലെ വൈദ്യുതി നഷ്ടമായാലും 1000 വർഷത്തോളം വിത്തുകൾ കേടുവരാതെ സൂക്ഷിക്കാനാകും.

2008 ലാണ് ലോകാവസാന വിത്തുബാങ്ക് തുടങ്ങുന്നത്. വർഷങ്ങളോളം നിരവധി പേർ ചേർന്ന് നിർമിച്ച നിവറയുടെ അകം അത്ഭുതപ്പെടുത്തുന്നതാണ്. അന്നത്തെ യൂറോപ്യന്‍ കമീഷന്‍ പ്രസിഡന്റ്‌ ഷുസെ മാനുവല്‍ ബരോസോ, നൊബേൽ പ്രൈസ് ജേതാവും പരിസ്ഥിതി പ്രവര്‍ത്തകയുമായ വാന്‍ഗാരി മാതായി, നോര്‍വീജിയന്‍ പ്രധാനമന്ത്രിയായിരുന്ന ജെന്‍സ്‌ സ്റ്റോള്‍റ്റെന്‍ബര്‍ഗ് എന്നിവരെല്ലാം ചേർന്നാണ് ഈ ഭീമൻ വിത്തു നിലവറയ്ക്ക് തുടക്കമിട്ടത്.

ലോകാവസാന വിത്തുനിലവറയുടെ ഭാഗമാകാൻ ഇന്ത്യയ്ക്കും സാധിച്ചിട്ടുണ്ട്. രാജ്യത്തെ വിത്തു സൂക്ഷിക്കുന്ന ഇന്റര്‍നാഷണല്‍ ക്രോപ്സ്‌ റിസേര്‍ച്ച്‌ ഇന്‍സ്റ്റിട്ട്യൂട്ട്‌ ഫോര്‍ ദി സെമി - ആരിഡ്‌ ട്രോപിക്‌സി (ICRISAT) പദ്ധതിയുടെ ഭാഗമായി‌. ഒരു ലക്ഷത്തോളം വിത്തുകളാണ് ഇന്ത്യയിൽ നിന്നു നൽകിയത്. ലോകത്തെ പ്രമുഖ വിത്തുബാങ്കുകളിൽ നിന്നാണ് ഭീമൻ വിത്തുനിലവറയിലേക്ക് വിത്തുകൾ ശേഖരിച്ചത്.

വിത്തുനിലവറയിൽ ആരും ജോലി ചെയ്യുന്നില്ല. സെക്യൂരിറ്റിയുമില്ല. മോഷന്‍ ഡിറ്റെക്ടറുകളുടെയും കാമറകളുടെയും സഹായത്തോടെയാണ് ഇത് പ്രവർത്തിക്കുന്നത്. പുറത്തുനിന്നാണ് വിത്തുബാങ്കിന്റെ അകം നിരീക്ഷിക്കുന്നത്. നാലു വാതിലുകളാണ് ഭീമൻ വിത്തുബാങ്കിനുള്ളത്. സാങ്കേതി സംവിധാനമുള്ള താക്കോലുകൾ കൊണ്ടാണ് വാതിലുകൾ പൂട്ടിയിരിക്കുന്നത്.!!

Follow us on:

   

ഉപയോഗപ്രദമായ മറ്റുചില പേജുകൾ