പ്രായാധിക്യം മൂലം കണ്ണിലെ ലെന്‍സിന്‍റെ സുതാര്യത നഷ്ടപ്പെട്ട് കാഴ്ചക്കുറവു വരുത്തുന്ന നേത്രരോഗമാണു തിമിരം. ലോകത്താകമാനമുള്ള അന്ധതയുടെ 39 ശതമാനം കാരണം (17.6 ദശലക്ഷം ആളുകള്‍) തിമിരമാണ്. ഇതില്‍ ഏഴു ദശലക്ഷം പേര്‍ ഇന്ത്യയിലാണ്. കാഴ്ചക്കുറവ്, വെളിച്ചം പടര്‍ന്നു കാണുക (ഗ്ലയര്‍), രാത്രി വാഹനം ഓടിക്കാനുള്ള ബുദ്ധിമുട്ട്, ദൂരക്കാഴ്ച കുറയുകയും അടുത്തുള്ള കാഴ്ച കൂടുകയും ചെയ്യുക, ഒരു കണ്ണുകൊണ്ടു നോക്കുമ്പോള്‍ രണ്ടായി കാണുക എന്നിവയാണ് ഇതിന്‍റെ ലക്ഷണങ്ങള്‍. തിമിരം മൂത്ത ആളുകള്‍ക്കു കൃഷ്ണമണിയുടെ നടുവിലായി വെള്ള നിറവും കാണാറുണ്ട്. രോഗനിര്‍ണയം ഡോക്റ്ററുടെ സൂക്ഷ്മമായ പരിശോധനയിലൂടെയാണു നടത്തുന്നത്. കണ്ണിന്‍റെ മുന്‍ഭാഗത്തു വിശദമായി പരിശോധിക്കുന്ന സ്ലിറ്റ് ലാംപ് പരിശോധന, ഞരമ്പിന്‍റെ സ്ഥിതി കൃത്യമായി പരിശോധിക്കുന്ന 90 ഡി ലെന്‍സുകൊണ്ടും ഇന്‍ഡയറക്റ്റ് ഒഫ്താല്‍മോസ്കോപ്പ് ഉപയോഗിച്ചും ചെയ്യുന്ന പരിശോധന എന്നിവയിലൂടെ രോഗനിര്‍ണയം നടത്തുന്നത്, മൂത്ത തിമിരമുള്ളവര്‍ക്കു കണ്ണിന്‍റെ ഞരമ്പിന്‍റെ സ്ഥിതി അറിയാനുള്ള അള്‍ട്രാ സൗണ്ട് എന്നിവ ഇതില്‍ ഉള്‍പ്പെടും.
ഇമ്മെച്വര്‍- കാഴ്ചശക്തി കുറയുന്ന അവസ്ഥയാണിത്. ദൈനംദിന കാര്യങ്ങള്‍ നടത്താനും ദൂരെയുള്ള വസ്തുക്കള്‍ കാണാനും വായിക്കാനും വാഹനം ഓടിക്കുന്നതിനും ഈ ഘട്ടത്തില്‍ ബുദ്ധിമുട്ട് അനുഭവപ്പെട്ടു തുടങ്ങുന്നു.
മെച്വര്‍- തിമിരം മൂത്ത അവസ്ഥ. കാഴ്ചതീരെയില്ലാത്ത തരത്തില്‍ കണ്ണിലെ ലെന്‍സിന്‍റെ മൂടല്‍ കൂടുന്നു.
ഹൈപ്പര്‍ മെച്വര്‍- മെച്വര്‍ അവസ്ഥയില്‍ ചികിത്സിക്കാതിരുന്നാല്‍ ഈ ഘട്ടത്തിലേക്കു പോകുന്നു. ഇതില്‍ തിമിരത്തിന്‍റെ ആവരണത്തിനു കട്ടി കൂടുകയും കണ്ണിലെ ലെന്‍സിനെ താങ്ങിനിര്‍ത്തുന്ന നാരുകള്‍ക്കു ശക്തിക്ഷയം സംഭവിക്കുകയും ചില ആളുകളില്‍ തിമിരം അലിഞ്ഞു ദ്രാവക രൂപത്തിലാവുകയും ചെയ്യുന്നു.
ലെന്‍സ് ഇന്‍ഡ്യൂസ്ട് ഗ്ലോക്കോമ- തിമിരം മൂത്ത് കണ്ണിലെ മര്‍ദം കൂടുന്ന അവസ്ഥയാണിത്. ഈ ഘട്ടത്തില്‍ കണ്ണ് ചുവക്കും. ശക്തമായ വേദന, ഛര്‍ദ്ദില്‍ മുതലായ ലക്ഷണങ്ങള്‍ കാണുന്നു. ഇതു തുടര്‍ന്നാല്‍ കണ്ണിന്‍റെ ഞരമ്പിനു ക്ഷതം സംഭവിക്കുകയും കാഴ്ച പിന്നീടു തിരിച്ചു ലഭിക്കാത്ത അവസ്ഥയില്‍ എത്തുകയും ചെയ്യുന്നു.
എക്സ്ട്ര കാപ്സ്യൂലര്‍, സ്മാള്‍ ഇന്‍സിഷന്‍, ഫോക്കോ ഇമ്മല്‍സി ഫിക്കേഷന്‍.
തിമിരത്തിന്‍റെ വിവിധ ഘട്ടങ്ങള്‍
ഇന്‍സിപ്പിയന്‍റ്- തിമിരം തുടങ്ങുന്ന അവസ്ഥ. ഈ ഘട്ടത്തില്‍ കാഴ്ചശക്തിയില്‍ ചെറിയതോതിലുള്ള ബുദ്ധിമുട്ടുകള്‍ അനുഭവപ്പെടുന്നുഇമ്മെച്വര്- കാഴ്ചശക്തി കുറയുന്ന അവസ്ഥയാണിത്. ദൈനംദിന കാര്യങ്ങള്‍ നടത്താനും ദൂരെയുള്ള വസ്തുക്കള്‍ കാണാനും വായിക്കാനും വാഹനം ഓടിക്കുന്നതിനും ഈ ഘട്ടത്തില്‍ ബുദ്ധിമുട്ട് അനുഭവപ്പെട്ടു തുടങ്ങുന്നു.
മെച്വര്‍- തിമിരം മൂത്ത അവസ്ഥ. കാഴ്ചതീരെയില്ലാത്ത തരത്തില്‍ കണ്ണിലെ ലെന്‍സിന്‍റെ മൂടല്‍ കൂടുന്നു.
ഹൈപ്പര്‍ മെച്വര്‍- മെച്വര്‍ അവസ്ഥയില്‍ ചികിത്സിക്കാതിരുന്നാല്‍ ഈ ഘട്ടത്തിലേക്കു പോകുന്നു. ഇതില്‍ തിമിരത്തിന്‍റെ ആവരണത്തിനു കട്ടി കൂടുകയും കണ്ണിലെ ലെന്‍സിനെ താങ്ങിനിര്‍ത്തുന്ന നാരുകള്‍ക്കു ശക്തിക്ഷയം സംഭവിക്കുകയും ചില ആളുകളില്‍ തിമിരം അലിഞ്ഞു ദ്രാവക രൂപത്തിലാവുകയും ചെയ്യുന്നു.
ലെന്‍സ് ഇന്‍ഡ്യൂസ്ട് ഗ്ലോക്കോമ- തിമിരം മൂത്ത് കണ്ണിലെ മര്‍ദം കൂടുന്ന അവസ്ഥയാണിത്. ഈ ഘട്ടത്തില്‍ കണ്ണ് ചുവക്കും. ശക്തമായ വേദന, ഛര്‍ദ്ദില്‍ മുതലായ ലക്ഷണങ്ങള്‍ കാണുന്നു. ഇതു തുടര്‍ന്നാല്‍ കണ്ണിന്‍റെ ഞരമ്പിനു ക്ഷതം സംഭവിക്കുകയും കാഴ്ച പിന്നീടു തിരിച്ചു ലഭിക്കാത്ത അവസ്ഥയില്‍ എത്തുകയും ചെയ്യുന്നു.
കാരണങ്ങള്‍
പ്രായാധിക്യമാണു തിമിരത്തിന്‍റെ പ്രധാന കാരണം. കൂടാതെ സൂര്യന്‍റെ അള്‍ട്രാവയലറ്റ് രശ്മികളുടെ പ്രഭാവം, പ്രമേഹം, രക്തസമ്മര്‍ദം, ഹൈപ്പര്‍ കൊളസ്ട്രോളിമിയ, സ്റ്റിറോയിഡ് അടങ്ങിയ മരുന്നുകളുടെ ഉപയോഗം, പുകവലി, മദ്യപാനം തുടങ്ങിയ ശീലങ്ങളും തിമിരത്തിന്‍റെ കാരണങ്ങളായി വിവിധ പഠനങ്ങള്‍ സൂചിപ്പിക്കുന്നു.ചികിത്സ
പ്രായോഗികതലത്തില്‍ തിമിരം കുറയ്ക്കാനോ, വരാതിരിക്കാനോ കൂടാതിരിക്കാനോ മരുന്നുകള്‍ മുഖേനയുള്ള ചികിത്സ ഫലപ്രദമാണെന്ന് ഇതുവരെ തെളിയിക്കപ്പെട്ടിട്ടില്ല. തിമിരത്തിന്‍റെ ഫലപ്രദമായ ചികിത്സ ഇപ്പോള്‍ നിലവിലുള്ളതു ശസ്ത്രക്രിയ മാത്രമാണ്. ചുവടെ പറയുന്ന മൂന്നുതരം ശസ്ത്രക്രിയകളാണ് ഇതിനു ചെയ്തുവരുന്നത്.എക്സ്ട്ര കാപ്സ്യൂലര്‍, സ്മാള്‍ ഇന്‍സിഷന്‍, ഫോക്കോ ഇമ്മല്‍സി ഫിക്കേഷന്‍.
എക്സ്ട്രാ ക്പ്സ്യൂലര്‍ തിമിര ശസ്ത്രക്രിയ
10 എംഎമ്മില്‍ കൂടുതല്‍ വലുപ്പത്തില്‍ കോര്‍ണിയക്കു മുകളില്‍ ഉണ്ടാക്കുന്ന മുറിവിലൂടെ തിമിരം പുറത്തെടുത്ത് അതേ മുറിവിലൂടെ ഇന്‍ട്രാ ഓക്കുലര്‍ ലെന്‍സ് ഇംപ്ലാന്‍റ് ചെയ്യുകയാണ് ഇതില്‍ ചെയ്യുന്നത്. ഈ ശസ്ത്രക്രിയയില്‍ തുന്നലുകള്‍ വേണ്ടിവരുന്നു എന്നതാണ് ഒരു ന്യൂനത. ശസ്ത്രക്രിയക്കു ശേഷം കണ്ണ് സാധാരണ നിലയിലാകാന്‍ രണ്ടുമുതല്‍ മൂന്നുവരെ മാസം സമയം വേണ്ടിവരും.സ്മാര്‍ ഇന്‍സിഷന്‍ തിമിര ശസ്ത്രക്രിയ
കൃഷ്ണമണിക്കു മുകള്‍ഭാഗത്ത് ആറു മുതല്‍ പത്ത് എംഎം വലുപ്പത്തില്‍ ഉണ്ടാക്കുന്ന ടണലിലൂടെ തിമിരം പുറത്തെടുത്ത് അതിലൂടെ ലെന്‍സ് ഇംപ്ലാന്‍റ് ചെയ്യുന്നതാണ് ഈ രീതി. തുന്നലുകളുടെ ആവശ്യം ഇല്ലെന്നതാണ് ഇതിന്‍റെ സവിശേഷത. പക്ഷേ മൂന്നു മുതല്‍ നാലാഴ്ചയോളം സമയം കണ്ണ് സാധാരണ നിലയിലാകാന്‍ വേണ്ടിവരും.ഫേക്കോ ഇമ്മല്‍സിഫിക്കേഷന്‍ തിമിരശസ്ത്രക്രിയ
കൃഷ്ണമണിയിലുണ്ടാക്കുന്ന 1.8-3 എംഎം മുറിവിലൂടെ അള്‍ട്രാ സൗണ്ട് പോബ് ഉപയോഗിച്ചു തിമിരം അലിയിച്ചു മാറ്റി അതേ മുറിവിലൂടെ ലെന്‍സ് മടക്കി ഇംപ്ലാന്‍റ് ചെയ്യുന്ന നൂതന ചികിത്സാ രീതിയാണിത്. തുന്നലുകള്‍ ഇല്ല എന്നതും ഒരാഴ്ചയ്ക്കുള്ളില്‍ കണ്ണ് പൂര്‍വസ്ഥിതിയിലായി ദൈനംദിന ജീവിതത്തിലേക്കു തിരിച്ചുവരാമെന്നതും ഈ ചികിത്സയുടെ പ്രത്യേകതയാണ്.കണ്ണട ഒഴിവാക്കിക്കൊണ്ടുള്ള തിമിര ശസ്ത്രക്രിയ
സാധാരണയായി ശസ്ത്രക്രിയ കഴിഞ്ഞാല്‍ വായിക്കാനും ചില അവസരങ്ങളില്‍ ദൂരക്കാഴ്ചയ്ക്കും ഗ്ലാസുകള്‍ ഉപയോഗിക്കേണ്ടി വരും. തിമിരം മാറിയതിനു ശേഷം മള്‍ട്ടി ഫോക്കല്‍ ലെന്‍സുകള്‍ ഇംപ്ലാന്‍റ് ചെയ്താല്‍ കണ്ണടയുടെ ഉപയോഗം കുറയ്ക്കാനോ, ഒഴിവാക്കാനോ സാധിക്കും. കണ്ണിലെ റെറ്റിനയിലേക്കു മള്‍ട്ടി ഫോക്കല്‍ ലെന്‍സിലൂടെ കേന്ദ്രീകരിക്കുന്ന പ്രകാശത്തെ മൂന്നു ഫോക്കല്‍ പോയിന്‍റുകളില്‍ വേര്‍തിരിച്ച് അടുത്തേക്കും ദൂരേക്കും കാഴ്ച ലഭ്യമാക്കുന്ന സൈമള്‍ടേനിയസ് വിഷന്‍ എന്ന തത്വമാണു ഈ ചികിത്സയ്ക്ക് ഉപയോഗപ്പെടുത്തുന്നത്. ഈ ചികിത്സ ഫലപ്രദമാകണമെങ്കില്‍ രണ്ടു കണ്ണിലും മള്‍ട്ടി ഫോക്കല്‍ ലെന്‍സ് ഇംപ്ലാന്‍റ് ചെയ്യുകയും ഈ കാഴ്ചയുമായി പൊരുത്തപ്പെടാനായി സമയം കൊടുക്കുകയും വേണം.
ഉപയോഗപ്രദമായ മറ്റുചില പേജുകൾ
No comments:
Post a Comment