പുത്തനറിവ്: അരുണാചൽ മകാക്

അരുണാചൽ മകാക് താരതമ്യേന ചെറിയ വാലും,സാമാന്യം വലിതും, തവിട്ടു നിറത്തോടുകൂടിയതുമായ പ്രൈമേറ്റായ അരുണാചൽ മകാകിന്റെ (മകാക മുൻസാല) സ്വദേശം അരുണാചൽപ്രദേശാണ്. ഇതിന്റെ സ്പീഷീസ് പേര് വന്നത് ദിറാങ് മോൺപ ഗോത്രം ഇതിനെ വിളിക്കുന്ന മുൻസാല (ഉൾവനത്തിലെ കുരങ്ങ്) എന്ന പേരിൽ നിന്നാണ്. 1997ൽ പ്രശസ്ത ഇന്ത്യൻ പ്രൈമെറ്റോളജിസ്റ്റായ അൻവറുദ്ദീൻ ചൗധരി ഇതിനെ പുതിയൊരു വർഗ്ഗമെന്ന നിലയിൽ കണ്ടെത്തി. എന്നാൽ അദ്ദേഹം ചിന്തിച്ചത് ഇത് ടിബറ്റൻ (അല്ലെങ്കിൽ Père David's macaque's ) മകാകിന്റെ ഒരു പുതിയ ഉപസ്പീഷീസായിരിക്കാം എന്നാണ്. 2004 ൽ ഇന്ത്യയിലെ നേച്ചർ കൺസർവേഷൻ ഫൗണ്ടേഷനിൽ നിന്ന് ഒരു സംഘം ഗവേഷകർ ഇതിനെക്കുറിച്ച് പ്രസ്താവിച്ചപ്പോഴാണ് ഇത് ഒരു പുതിയ സ്പീഷീസായി നിർദ്ദേശിക്കപ്പെട്ടത്. 1903ന് ഇന്തോനേഷ്യൻ പഗായ് ഐലന്റ് മകാകിനെ കണ്ടെത്തിയതിനു ശേഷം കണ്ടെത്തുന്ന മകാകിന്റെ ആദ്യ സ്പീഷീസാണിത്. ഈ കുരങ്ങനെക്കുറിച്ചറിഞ്ഞത് ഹോളോടൈപ്പായ ഒരു ഫോട്ടോഗ്രാഫിന്റെ അടിസ്ഥാനത്തിലാണ്. അസ്സാമീസ് മകാക് കുരങ്ങുകളിൽ രൂപശാസ്ത്രപരമായ ചില വ്യതിയാനങ്ങൾ സംഭവിച്ചാണ് ഇവ ഉൽഭവിച്ചതെന്ന് 2011 ൽ ഏതാനും ഗവേഷകർ അഭിപ്രായപ്പെട്ടിരിന്നു.

അതിനുശേഷം ഭൂട്ടാനിലെ ട്രാഷി യാങ്ഷി പ്രദേശത്ത് 2006 ൽ അതിനെ കണ്ടെത്തുകയൂം അതിനെ നിരീക്ഷിച്ച ശേഷം അതിന്റെ ഫോട്ടോ എടുക്കുകയും ചെയ്തു.

അരുണാചൽ മകാക് കറുത്ത മുഖമുള്ളതും, സമുദ്രനിരപ്പിൽ നിന്നും 2000 മീറ്ററിനും 3500 മീറ്ററിനും ഇടയിൽ ജീവിക്കുന്ന ലോകത്തിലെ തന്നെ ഏറ്റവും ഉയരത്തിൽ വസിക്കുന്ന പ്രൈമേറ്റുകളിലൊന്നാണ്.

തെക്കേ ഇന്ത്യയിലെ ബൊണ്ണെറ്റ് മകാകുകളോടാണ് അരുണാചൽ മകാകു ജനിതകപരമായി അടുത്ത ബന്ധമെന്നിരിക്കെ ശാരീരികമായി ആസ്സാം, ടിബറ്റൻ മകാകുകളോടാണ് പ്രകടമായും സാമ്യമുള്ളത്. ഈ കുരങ്ങ് കാണുന്ന ചില മേഖലകളിൽ വിളകൾ നശിപ്പിക്കുന്നു എന്ന കാരണം പറഞ്ഞ് പ്രാദേശികമായ പ്രതികാരനടപടികൾ മൂലം ഇവ വളരെയധികം പീഡനങ്ങൾ അനുഭവിക്കുന്നു. അടുത്ത കാലത്ത് ചില സർവേകൾ സൂചിപ്പിക്കുന്നത് അരുണാചൽ പ്രദേശിന്റെ ചില ഭാഗങ്ങളിൽ ഈ സ്പീഷീസ് ഉയർന്ന വംശനാശഭീഷണി നേരിടുന്നു എന്നാണ്.