എയർ കണ്ടീഷണറിന്റെ കപ്പാസിറ്റി ടണ്ണിൽ പ്രസ്താവിക്കുന്നത് എന്തുകൊണ്ടാണ്?

എയർ കണ്ടീഷണർ ഇഷ്ടമില്ലാത്തവർ ചുരുക്കം. നല്ല ചൂടുള്ള ദിവസങ്ങളിൽ കുളിര് പകരുന്ന ഈ ഉപകരണത്തിന്റെ കപ്പാസിറ്റി ടണ്ണിൽ ആണ് പ്രസ്താവിക്കുന്നത് .പക്ഷെ ഇതിന്റെ കാരണം എത്ര പേർക്കറിയാം ? രസ കരമായ ആ കഥ കേട്ടോളൂ ..ആയിരത്തി എണ്ണൂറുകളിൽ അമേരിക്കയിൽ ഉണ്ടായ ഒരു ബിസിനെസ്സ് ആണ് ഐസ് ഹാർവെസ്റ്റ്‌ .മഞ്ഞുകാലത്ത് പല തടാകങ്ങളും ഉറഞ്ഞു കട്ടിയാകും. ഇങ്ങനെ ഉണ്ടാകുന്ന ഐസ് വലിയ വാളുകൾ കൊണ്ട് മുറിച്ച് വലിയ ബ്ലോക്കുകൾ ആയി അറക്കപ്പൊടി കൊണ്ട് ഇന്സുലെറ്റ് ചെയ്ത ഗോഡൌണിൽ സൂക്ഷിച്ച് വയ്ക്കുകയും,പിന്നീട് വെസ്റ്റ്‌ഇന്ടീസിലെക്കും അമേരിക്കയുടെ തന്നെ ചൂടുള്ള പ്രദേശങ്ങളിലേക്കും മറ്റും വിൽക്കുകയും ചെയ്യും .ഈ ഐസ് കൊണ്ട് ചൂട് കാലത്ത് വീടുകളും ഹോട്ടലുകളും ശീതീകരിക്കാൻ ഉപയോഗിച്ചിരുന്നു.ആയിരത്തി തൊള്ളായിരത്തി ഇരുപതുകൾ ആയപോഴേക്കും യന്ത്ര സഹായത്തോടെ പ്രവർത്തിക്കുന്ന ശീതീകരണ സംവിധാനം പ്രചാരത്തിൽ വരുകയും ഐസ് ഹാർവെസ്റ്റ് ബിസിനെസ്സ് കുറഞ്ഞു വരികയും ചെയ്തു.അത് മാത്രമല്ല മഞ്ഞുകാലത്തെ തണുപ്പിനു കുറവ് വരികയും ഐസ് ഹാർവെസ്റ്റ്‌ ലാഭകാരമാല്ലാതാകുകയും ചെയ്തതോടെ ഈ ബിസിനസ് നിന്നുപോയി .ആയിരത്തി തൊള്ളായിരത്തി അന്പതുകളോടെ ഈ ബിസ്നസ് ഏതാണ്ട് പരിപൂർണ്ണമായി നിന്നു എന്നും പറയാം.ഒരു ടണ്ണ്‍ഭാരമുള്ള ഐസ് കൊണ്ട് എത്രമാത്രം തണുപ്പിക്കും എന്ന ഈ കണക്കിൽ നിന്നാണ് ഇന്നും എയർ കണ്ടീഷണറിന്റെ കപ്പാസിറ്റി ടണ്ണിൽ പ്രസ്താവിക്കുന്നത്.

Follow us on:

   

ഉപയോഗപ്രദമായ മറ്റുചില പേജുകൾ